Aningaasanut inatsisissaq sammineqangaatsiassaaq
Naalakkersuisut akitsuusersuinissamik siunnersuutaat ullumikkut oqallisaalluartunut ilaassagunarpoq. Siunnersuummi ikummatsissanut akitsuut, liiterimut 25 ørimik qaffanniarneqarpoq, taamatullu pisoqassappat pissakinnerusut eqqorneqrnissaat illua tungiliuttunit ernumagineqarpoq, aamma nunatsinnut tikinnermi akitsuuteqanngitsunik pisisinnaajunnarnissaq akerlerineqarpoq.
Naalakkersuisut aningaasanut inatsisissatut siunnersutaat - atugarissaarnerup aningaasalersornera - 212 millioni koruuninik amigartooruteqarfiusussatut suliaavoq. Amigartoornissaq peqquteqarpoq, Namminersorlutik Oqartussat suliffeqarfiutiminnut aningaasanik attartortitsissammata.
Aningaasanut inatsisissaq oqallisigineqareerpat, højskolit pillugit inatsisissaq siullermeerlugu oqaluuserineqassaaq.
Inatsisartulli ataatsimiinnerat ullup qeqqata siorna nalunaaqutaq aqqanermut aallarteqqippoq. Akunneq apeqquteqarfissaq ingerlanneqarmat, Naalakkersuisut Siulittaasuat, Kuupik Kleist aamma nunami naminermut Naalakkersuisoq Anthon Frederiksen apeqqutigineqarsimasunik aksissuteqarput.
Ullaap tungaani ataatsimiinnermi, aningaasanut inatsisissap siullermeertumik oqaluuserineqarnissaasa sammineqarpoq. Novembarip 15-anni pingajussaaneerlugu aningaasanut inatsisissaq eqqartorneqassaaq.
