- Nunatsinni umiarsuarnik puisinniutinik aningaasarsiutigalugulu puisinniarnermik atuinissaq pillugu sunik periarfissaqarneranik aporfissaqarneranillu sukumiisumik naliliisussanik suleqatigiissitanik Aalisarnermut, Piniarnermut Nunalerinermullu Pisortaqarfimmit, Inuussutissarsiornermut Pisortaqarfimmit, Pinngortitaleriffimmit, Great Greenland A/S-imit aamma KNAPK-mit peqataaffigineqartunik pilersitsisoqarnissaa, Naalakkersuisut poorski sioqqullugu ataatsimiinnerminni aalajangiuppaat.
Amalie Jessen, Aalisarnermut Piniarnermut Nunalerinermullu Piosrtaqarfimmi pisortaq, taama nalunaaruteqarluni allappoq, nangillunilu:
- Taamaattumik aamma Europami pissutsit ilungersunartut Europami nunarpassuit puisit amiinik niuernermik inerteqquteqalernissamik anguniagaqarfigisaat aamma eqqarsaatigalugit Naalakkersuisut Great Greenland A/S kaammattorpaat suleqatigiissitap kaammattuutai utaqqeqqaaqqullugit.
Suleqatigiissitat siullermeerlutik ataatsimiinnissaannut Pisortaqarfik apriilip qaammataata ingerlanerani ataatsimiigiaqqusiumaarpoq, Amalie Jessen allappoq.