Aningaasanik immikkoortitsisaqqusivoq

Konservative-t folketing-imi ilaasortaatitaat Nunatsinnullu tunngassuteqartunik oqaaseqartartuusoq; Per Ørum Jørgenseni, isumaginninnermi minister-imut Eva Kjer Hansen-imut kajumissaarutigaa, Kalaallinut tunngatillugu politikerit attuumassuteqartut attaveqarfigissariaqarai. Nunatsinni imminorsimasunik iminoriarsimasunillu misissuinerit inerneri, Per Ørum Jørgensen-ip, uisaallaatigingaatsiarsimavai, allaat Kalaallit Nunaannut tunngatillugu oqaaseqartartoq aammalu Namminersulivinnissamut ataatsimiitsitaliarsuarmi ilaasortaasoq suliniuteqarusulersisimallugu, bloktilskudit ilaannik isumaginninnermi aaqqissuusseqqinnissamut aningaasaliisoqarnissaanut suleqataarusulersissimallugu.

- Allatut ajornaqaaq, aaqqiissutissanik allatut ittunik nassaarniarsinnaanngikkutta, taava tapiissutit ataatsimoortut qiviartariaqarpavut, isumaqarpungalu taamanna piviusorsiornerussasoq, ataasimoorluta sulissutigigutsigu. Ajornartorsiummi isiginngitsuusaanginnarsinnaanngilarput arlaannimmi iliuuseqartariaqarpugut. Naggaterpiaatigullu allatut ajornassappat oqarsinnaasariaqarpugut tapiissutinit ataatsimoortunit isumaginninnermut tunngatillugu aaqqissuusseqqinnissamut immikkoortitsisariaqassa-sugut tassungaannavik atugassanik. Oqaatigerusutaralu unaavoq, uagut aamma Danmark-ip tungaaniit pisussaafeqaratta Kalaallit Nunaanni Naalagaaffiit Peqatigiit (FN)-p Meeqqat pillugit Isumaqatigiissutaata eqqortinneqarnissaanut nakkutiginnittuunissatsinnut, Per Ørum Jørgensen naggasiilluni taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat