Aningaasanik eqquiniaatitsisalernissaq EU-mit akuerisaavoq
Inatsiseqalernikkut Danmarkimi Kalaallit Nunaannilu aningaasanik eqquniaasitsinerit namminersortunngorsaavigineqarput. Assersuutigalugu nunani allani aningaasanik eqquiniaasitsisartut Kalaallit Nunaanni tuniniaasinnaalissapput, eqquiniaanerillu Kalaallit Nunaanni medienit aaqqissorneqartalissapput.
Onlinekkut aningaasanoortartut akileraarutaat aningaasanoortarfiit nalinginnaasut akileraarutaannut naleqqiullugit akikillisaavigineqassapput. Tamannalumiuna EU-Kommissionip akuliunneranut pissutaasoq. Qallunaammi aningaasanoornermut atassusiisartut marluk inatsit nutaaq naammagittaalliutigisimavaat, onlinenikkut aningaasanoornermut naalagaaffiup tapiissutaatut isigalugu.
Inatsit ilumut assigiinngisitsisoq EU-Kommissionip ilumoornerarpaa, soorlu qallunaat aningaasanoornermut atassusiisartut marluk taama isumaqartut, EU-Kommissionilli ilutigalugu erseqqissaatigaa, inatsisip sunniutissai ima annertutigissasut assigiinngissutit naligiilersinnaassallutik.
