Aningaasaliissutaasartut naammannersut misissorpaat
Taama pisoqalerpoq GU-Aasianni ilinniartut ilinniartittisullu qarasaasiaqarnerup tungaatigut erloqinartorsiulersimanerat maalaarutigereeraallu, taama naalakkersuisoqarfimmi pisortap Lise Lennert Olsen-ip oqaatigaa.
Qarasaasianik atorsinnaasunik amigaateqartuarnerup IT-mut tunngasumik ilinniartitsisinnaanermut piumasaqaatip anguneqarsinnaanerata killeqalersimaneranik kinguneqalersimavoq.
- Naammagittaalliuut suli atuarluanngilara, Ilinniarnertuunngorniarfinnimi aningaasaliisarnernut tunngasunik suleqatigiissitaliaaqqap qanoq oqaaseqarnissai utaqqimaaqqaarallarusukkakkit, taama Lise Lennert Olsen oqarpoq.
Aasianni IT-lerinermut ajornartorsiuteqarneq ilinniarnertuunngorniarfinni ajornartorsiut kisiartaanersoq pillugu aamma oqaaserarusunngilaq. Paasissutissarlu taanna KIIIP-ip iluani pissarsiarineqarsinnaasimanngilaq, naalakkersuisoqarfimmi pisortaq kisimigooq tusagassiutinut oqaaseqarsinnaatitaammat.