Aningaasaliisartut pingaaruteqarput

Nunat inuii pillugit suliniuteqartartoq, ITCIP, aningaasaateqarfissuarmit Ford Foundation-mit aningaasaliiffigineqarnerunera pingaaruteqartoq, ITCIP-p pisortaa Chester Reimer oqarpoq.

- Ford Foundation-ip aningaasaliinerunera uagutsinnut pingaaruteqartorujussuuvoq, aningaasaateqarfiup suliniutitsinnik pingaartitsinera ersermat, ITCIP-p pisortaaq Chester Reimer oqarpoq nangillunilu:- Kalaallit Nunaanni Namminersornerullutik oqartussat nunaminnik ingerlatsinerminni ilisimalersimasaat, eqqissisimasumillu isumaqatigiinniartarnernut tungatillugu ilisimasat pillugit, nunarsuarmi nunat inoqqaavinut ingerlateqqinniarlugit pikkorissaasarpugut, aappaagulu nunat amerlanerit peqataatinniarlugit pikkorissaaneq Peru-mi misiliutitut ingerlanneqassaaq, Chester Reimer oqarpoq nangillunilu:- Ford Foundation isumaqarsimavoq ITCIP-p suliniuteqarnera pitsaalluinnartuusoq, taamaammallu aningaasaateqarfik aningaasaliinerusimavoq.

Aningaasaliiffigineqartuassagutta takutinniartuartariaqarparput, nunarsuarmi nunat assigiinngitsut inuiisa pikkorissartittuarnissaat suliniutigigipput. Kalaallit Nunaata nunaminnik aqutsinerminni ilisimalersimasaat, nunani allani nunat inuiinut ilisimalersinnissaat ingerlateqqittuarnissaa aamma pingaaruteqarpoq.

Ilinniartitsiniarnitsinni Kalaallit Nunaanni innuttaasut, Naalakkersuisut, ilinniartitsisinnaasut assigisaallu atorluartarpagut, taakkualu atorluartarutsigit Ford Foundation-ip uagutsinnut aningaasaliisarnerata ingerlaannarnissaa neriuutigissavarput, Chester Reimer oq arpoq nangillunilu;- Suliniutitsitta pingaarutaa aningaasaliisarnissallu pingaaruteqarnera, Kalaallit Nunaanni Naminersornerullutik oqartussanut aningaasaateqarfinnullu allanut malugitinniartariaqarparput, Chester Reimer ITCIP-mi pisortaq naggasiivoq.