Aningaasaliisarfiaqqamut qinnuteqartoqarsinnaanngorpoq

Meeqqat inuusuttut ilaqutariillu atugaasa iluaqusernissaannik suliniuteqartunut tapiissuteqartarfissaq, aningaasaliisarfiaraq IKIOQATIGIITTA ukiarmi pilersinneqarpoq. Suliniutinut taakkununnga suliaqarniartut aningasaliisarfiaqqamut qinnuteqarnissamut maanna kajumissaarneqarput.
Allattoq Jaaku Lyberth
juunip 15-at 2011 04:54

Suliniutinut assigiinngitsunut 22-nut upernaaq manna millionit koruunit affaasa missingi agguaanneqarput.

Aningaasaliiffigineqartut assigiinngillat, timersortartut peqatigiiffii, kulturikkut aaqqissuussinerit, nipilersortartut ornittagaat, Tivolertitsinernut namminerlu aqqissuussanik ilaqutariinnik angalatitsinerit aningaasaaliisarfiaqqamit tapiiffigineqarput.

Aningaaliisarfiaqqap siulersuisui qinnuteqaatinik 93-inik tigusaqarput.
 

Siulersuisut ilimagaat anigaasaliisarfiaraq sunniuteqarluarumaartoq. Suliniutit naammassiniagassaqassapput, siumullu isigisuussallutik, taamaattumik qinnuteqaraanni takisuumik allagaqaaasiornissaq, pisariaqartinneqanngitsoq, aningaasaliisarfiaraq pillugu Namminersorlutik Oqartussat tusagassiuutinut nalunaarutaani  allassimavoq.  

Kikkulluunniit meeqqanut inuusuttunullu suliniuteqarusuttut qinnuteqaateqarnissamut periarfissinneqarput.

Namminersorlutik Oqartussat, aningaasaateqarfiit Villum Fonden aamma Oak Foundation suleqatigiinnerisigut Aningaasaliisarfiaraq pilersinneqarpoq.

Aningaasaliisarfiaraq IKIOQATIGIITTA ukiormanna ukiullu tulliani 2 millionit koruuninik aningaasaliissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq