Norgemi politiit: Aningaasaatilissuup nuliata toqutaasimanissaa ilimagaarput
Norgemi politiit tusagassiortunik katersuutsitsinermi taama nalunaaruteqarput.
- Toqutsinermulli suut pissutaasimasinnaanersut iserfigisinnaanngilara, Norgemi politiit misissuisut aqutsisuat Tommy Brøske oqarpoq.
Anne-Elisabeeth Hagenip aallarunneqarsimanera aallaavigalugu maannamut misissuisoqaraluarpoq, toqutsisoqarsimaneratulli maanna misissuisoqalerluni.
AAMMA ATUARUK Arnaq aallarussaasoq aallarussaanngitsiarnermini ilaquttaminut attaveqarpoq
69-inik ukiulik Anne-Elisabeth Hagen, Norgemi pisuujunerpaat ilaata Tom Hagenip nuliaraa. Anne-Elisabeth Hagen Oslop ungasinngisaani najugaqarfimminit siorna 2016-imi oktobarip ulluisa 31-anni periarfeerunneqarpoq, Oslop ungasinngisaani Lørenskogimi najugaqarfimminit oktobarip 31-ani nalunaaqutaq qulingiluat qangerlugit tanneq pingasut ualikkullu nalunaaqutaq marlunut qiteqqunnerata akornanni aallarunneqarsimasutut aallaqqaammut nalilerneqarluni.
Uia, 68-inik ukiulik Tom Hagen, najugaqarfigisaminnut ulloq taanna ualikkut nalunaaqutaq marlunut qiteqquttoq apuussimanerarpoq, allakkallu tassani siumorsimallugit, Anne-Elisabethip iperagaanissaanut aningaasanik piumasaqaatitalimmik allagaqartoqarsimanerarlugu.
AAMMA ATUARUK Norgemiup aningaasaatilissuup nulia aallarunneqartoq