Aningaasaatilissuit kisimik avalattalissapput

Kalaallit Danmarkimut ukioq manna aggustip aallaqqaataaniit ilinniariartut kolligiani inissaqanngitsut inissarsisinnaanissartik naatsorsuutigisinnaajunnaarpaat. Malittarisassanik allanguisoqarneranik tamanna peqquteqarpoq.

Danmarkimi kolligiami inissarsinngitsut namminneerlutik imaluunniit DKIK suleqatigalugu inissarsiortariaqarput.

- DKIK-miit ernummatigisarput tassaavoq, Danmarkimut nunanut allanulluunniit ilinniariartorusuttut tassaalissasut aningaasaatilissuit qitornaat. Aviaaja Karlshøj Poulsen, Danmarkimi Kalaallit ilinniagaqartut kattuffianni siulittaasoq oqarpoq.

Taama isumaqarnitsinnut pissutaavoq, malittarisassanik allannguisoqarnera pissutigalugu imaalermat, Danmarkimut aallartinnani siumoortumik inissarsiornissaq pisariaqalermat, Aviaaja Karlshøj Poulsen oqarpoq.

Danmarkimi kalaallit ilinniagaqartut Kattuffianni siulttaasoq aamma oqarpoq, ilinniagaqarniartunut paasisitsiniaaneq pitsaanerusariaqartoq, piareersimalluarnissarmi pisariaqarmat.

Ilinniagarniarluni qinnuteqarsimagaanni akuerisaallunilu, ukiup affaa sioqqullugu tamanna paasineqartarpoq, ajunnginnerpaavorlu nammineerluni internet aqqutigalugu inissarsioraanni, Aviaaja Karlshøj Poulsen naggasiivoq.

Aviaaja Karlshøj Poulsen aamma oqarpoq Danmarkimi kollegiat nunatsinniittunit akisunerusut, ilanngullugu erseqqissarpaa ilinniartut soorlu qimuttuitsunut bussinullu kiisalu atuakkanut tapisiaqartinneqannginnerat.

Kalaallit ukioq manna 220-it missaanniittut Danmarkimi ukioq manna ilinniarlutik aallartipput, taakkunannga 50-it missaanniittut tigusaangaluarlutik aallartinngillat aningaasatigut inissaqarniarnikkullu ajornartorsiuteqarnertik pissutigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat