Aningaasaateqarfik inuusuttunut suliniuteqartunut inuusuttunit aqunneqartoq
Inuit ataasiakkaat, inuusuttut kattuffii imaluunniit inuusuttunik suliniuteqartunik suliniaqatigiiffiit Issittumi aningaasaateqarfimmut nutaamut qinnuteqarsinnaalerput.
Aningaasaateqarfik taaguuteqarpoq Arctic Indigenous Fund, ajunngitsumik siunertalimmik aningaasaliisartoq.
Aningaasaateqarfik inuusuttunit nunat inoqqaavinit siunnersuisartunik Issittumi najugalinnit ingerlanneqarpoq
Taakkua namminneq kikkut aningaasaliissutinik pissanersut nunagisaminni aalajangiiffigisassavaat.
Kalaallit Nunaanni suliniutit aallarnisaanerilluunniit inuusuttunut
tunngasut aningaasaliiffigineqarnissaannut qinnuteqarsinnaanermik periarfissaq ammarneqarpoq.
Inuusuttunik siuarsaasunik suliaqartunut suliaqarusuttunullu tapersersuerusulluta suliaq ingerlapparput.” Kuluk Lyberth aningaasaateqarfimmi Arctic Indigenous Fundimi siunnersorti tusagassiuutinut nalunaarummi taama oqarpoq.
Kuluk Lyberth aningaasaateqarfimmi kalaallini siunnersortaasut marluk aapparaa.
Aningaasaateqarfimmut qinnuteqarnissaq aggutsip ulluisa 26-annut killeqarpoq.