Aningaasaasanik amerlasuunik pigisaqartoq eqqartuunneqarpoq
Aningaasaasat angutip angerlarsimaffiani politiinit nassaarineqarput.Angutip aningaasaasat nalunngisaminit pissarsiarisimanerarpai, aamma atussamaarsimallugit eqqartuussivimmi nassuerutigaa.
Taamatut aningaasaasaliorneq unnerluussisussaatitaasumit ilungersunartutut isigineqarpoq, aningaasaasallu amerlassusaat naapertorlugu angut ukiuni pingasuni pinerluuteqarsimasunut inissiisarfimmiittussanngorlugu eqqartuunneqassasoq, unnerluussisumit piumasarineqarluni.
- Aningaasaaasaliorneq inatsisinik unioqqutitsineruvoq sakkortooq, tassami aningaasat inuiaqatigiinni kaaviiartinneqartut ilumoortuunerat apeqquserneqartussaanngilaq, taamaattoqanngippammi inuiaqatigiit aningaasaqarniarnerat innarlerneqassammat, politiit unnerluussisuat Anne-Sophie Lohse sermitsiamut oqarpoq.
Angutip eqqartuussut akuerereerpaa pineqaatinneqarsimasulli pinissiisarfiannukaanneqareerluni.