Angutit isikkamik arsaallutik pisartanngorniunnerat aallartippoq

Angutit isikkamik arsaallutik Nunatsinni pissartanngorniunnerat Nuummi arsaattarfimmi ualigaa nalunaaqutaq pingasunut aallartippoq.
aggustip 06-at 2007 15:15

Pissartanngorniunnerit aallartimmata sialussuartorsuuvoq anorlingaatsiarlunilu.

TM-62 Kulusummeersut aamma Eqaluk-54 Kujataani Tasiusameersut siulliullutik unammilermata anorersuartut sakkortutigaluni anoraasuartartumik anorsarippoq, sialullu kuuinnavilluni. Unammineq taanna minutsit 15-it matuma siorna naammassivoq, TM-62-ikkormiut marloraarlutik ajugaapput, Eqaluk-54 susaartut.

Maanna tallimat qaangilaarneranni unammipput B-67 Nuummeersut aamma Malamuk Uummannameersut, taakku unamminerisa inernerat kalaallisut unnugu Radioaviseqalerpat tusarliussinnaassanngilarput, suli naammassissimanavianngimmata, iluatsitsisinnaassaguttali nalunaaqutaq arfineq-marlunut qallunaatut Radioaviseqarnerani immaqa angumerineqarsinnaassapput.

Unamminerit inerneri sapaatip akunnerata uuma ingerlanerani ullaakkut Radioavisimi sapingisamik tusarliunniartartussasavagut.

Isikkamillu arsaalluni ukioq-manna kikkut pissartanngussanersut arfininngorpat paasinarsiumaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq