Politiit ullormut nalnaarutaat: Angutit inuusuttut marluk tilliniarsimasutut tigusarineqartut
Nuummi angutit inuussuttut marluk tillinniartutut pasineqarlutik unnuaq tigusarineqarput.
Kalaallit Nunaanni politiit taama paasissutissiipput.
Nuummi peqqissaanermik ilinniarfiup kalerrisaarutaa ullaassaaq tallimanut tanneq qulingiluanngortoq aallartippoq, tamatuma kingorna politiit qimmilisarlutik peqqissaanermut ilinniarfimmukarput.
Politiit ilinniarfimmut apuukkamik tillinniartoqarsimasoq paasivaat, tamatumalu kingorna angutit inuusuttut marluk tillinniarsimasutut pasineqarlutik tigusarineqarlutik.
Politiini pigaartut pisortaat Jeppe Andsager oqaluttuarpoq.
Taakua killisiorneqarput tillinniarsimasutullu pasineqarlutik kingornalu iperagaallutik.
Imigassartortoqarsimanermut attuumassuteqartunik politiit unnuaq ulapputeqarsimasut, politiini pigaartut pisortaaq paasissutissiivoq.
