Angutip aappani akiniukkaa
Ilulissani politiit arfininngornermi kingullermi suliassaaleqinngillat. Ullup ingerlanerani nalunaarutit marluk takkupput, sianertoq siulleq tassaavoq arnaq 20-nik ukiulik. Taanna oqaluttuarpoq nangikkiarfimmi ernguttoqarnerata nalaani angummit 48-nik ukiulimmit pinngitsaalineqarsimalluni.
Ullup ingerlanerani nalunaarutip aappaa takkuppoq. Tassani persuttarneqartoq tassaavoq angut taanna 48-nik ukiulik pinngitsaaliisutut nalunaarutigineqartoq. Persuttaasoq tassaalluni arnap aappaa 20-nik ukiulik.
Angut 48-nik ukiulik saassunneqarnermi kingorna niaqqumigut aqqunartitersimavoq qarasaatalu saanertaa napisimalluni.
Angut inuusuttoq ulluni 25-ni tigummigallagaavoq, angutillu inersimasup napparsimavimmit angerlaruni killisiorneqarnissani naatsorsuutigissagaa politiit ilisimatitsissutigaat.
