Angutinik!

Nuummi meeqqerivinni 20-ni angutit sulisut arfineq-marluinnaapput, naak sulisut arnat angutillu ataatsimut katikkaanni 219-iugaluartut. Kisitsisillu taakku Nunatsinnut tamarmut assingupput. Taama naliliivoq Inerisaavimmi perorsaanermut siunnersorti, Agga Lund, Atuagagdliutinit apersorneqarnermini.

Nunatsinni meeqqerisut 5 procentiinnai angutaapput, tamannalu meeqqanut ataasiakkaanut kingunerlussinnaavoq, Agga Lund  oqarpoq, nangipporlu:

- Meeqqerivinni arnat sulisut amerlanerujussuisa kinguneraat, meeqqat silarsuaasa eqqarsartariaasaasalu arnanit sunnerneqarnerujussuat.

Meeqqerisutut akissarsiat qaffasippallaannginneri meeqqerivinni angutit ikinnerujussuannut pissutaasut ilagigaat Agga Lundip erseqqissaatigaa.

- Tamanna angutinit aningaasarsiorluarusuttunit ornigineqanngilaq, Agga Lund oqarpoq nangillunilu:

- Meeqqerivinni angutit amigaataanerat politikkikkut inuttullu naleqartitanik allannguinikkut qaangerneqarsinnaavoq, Agga Lund naggasiivoq.