Angut ujaarineqartoq suli maqaasineqartoq
Kalaallit Nunaanni Politiit angut 32-nik ukiulik, Amos Jonassen decembarip aqqaneq-aappaani ujaarilerpaat.
Sapaatip akunnera qaangiuttoq suli maqaasineqarpoq.
Politiit angutip tammarneranut atatillugu suli takussutissanik nassaanngillat. Taakku KNR-imut taama paasissutissiipput.
Amos Jonassen Nuummi decembarip arfineq-aappaani pingasunngornermi kingullermik takuneqarpoq.
AAMMA ATUARUK Nuummi politiit angut ujaarigaat
Taanna 32-nik ukioqarpoq 165 centimeterimik angissuseqarpoq tuattuullunilu, kaskitsimik nasaqarpoq qernertunillu sullisinik atisaqarpoq, Salomoninillu qaqortunik titarnilinnik kamippaqarluni.
Amos Jonassenimut tunngatillugu paasissutissaateqaruit politiit attavigeqquneqarput oqarasuaammut 70 14 48-mut.