Angut Sisimiut eqqaani ipisoq
Angut imaanut nakkarsimasoq pillugu Sisimiuni politiit ippassaq ualikkut tallimat qaangeraa nalunaarfigineqarput. Issittumi Sakkutooqarfiup qulimiguuliutaa tamatuma kingunitsianngua ajutoorfiusumut aallartinneqarpoq.
Annaassiniartartut sumiiffimmut apuummata angut imaanit qaqinneqareersimavoq, ilisimananili. Angut Sisimiut napparsimmavianut erngertumik aallarunneqarpoq. Annaassiniartartut angallassinerminni ikiueqqaarnermik suliaqarput, napparsimmavimmulli apuuteqqammitsiarneranni nalunaaqutaq 20.30-nngortoq angut toqusimasoq nakorsamit nalunaarutigineqarpoq.
Apersuinerit toqusumillu misissuinerit tunngavigalugit pisumi pinerluuteqartoqarsimanngitsoq alianartumillu pisoqarfiusoq politiit nalilerpaat.
Ajunaartup ilaqutai kalerrinneqareerput.