Angut sinersortaammi toqungasoq nassaarineqartoq
Angut sinersortaammut ilaalluni Aasiannukartoq nunamut niunngimmat umiarsuarmi inuttat kalerrinneqarput.
Allattoq Louise M. Kleemann
septembarip 05-at 2011 09:16
Angut 64-inik ukiulik inimi toqungasoq Sarfaq Ittumi inuttanit nassaarineqarpoq. Taamaasinerani sinersortaat Ilulissat tungaannut aallareersimavoq.
Angut Kujataniit Aasiannut angalasimavoq.
Toqunermut atatillugu pinerluttoqarsimanissaa Ilulissani politiinit ilimagineqanngilaq.
Toqungasup timaanik misissuineq Ilulissani ualimut pissasoq politiinit oqaatigineqarpoq.
