Angut savimmik kapineqartoq
Angutip 38-nik ukiullip aapparminit 40-nik ukiulimmit savimmik marloriarluni arfininngornerup ullaakkuani kapineqarsimanera, Aasianni politiit misissuiffigileruttorpaat.
Allattoq Mads Lynge
Aasianni politiit arfininngormat ullaakkut arfineq-pingasunut qiteqquttoq inissiat ilaannut kalerrinneqarput.
Angut 38-nik ukiulik aapparminit tunumigut marloriarluni savimmik kapineqarsimanerarpoq. Aappariit ernguttoqarnerup nalaani assortuutilersimapput, angutip savimmik kapineqarneranik kinguneqartumik.
Arnaq taanna misiligummik iperagaanermi nalaani pinerluuteqaqqippoq.