Angut sakkortuumik persuttarneqartoq
Angut 54-inik ukiulik sakkortuumik persuttarneqarnermi kingorna inuunerminik ulorianartorsiorpoq.
Allattoq Louise M. Kleemann
Attumi persuttaasoqarnera Aasianni politiinut ukiortaami ullaakkut nalunaarutigineqarpoq. Angut aqqunartitersimaqisoq qulimiguulimmit pinasuartumik aaneqarpoq ingerlaannarlu Aasianni peqqissaavimmut unitsinneqarluni. Angut ullup ingerlanerani Nuummi Dronning Ingridip Napparsimavissuanut aallarunneqarpoq.
Politiinit paasissutissat kingulliit naapertorlugit angut suli inuunerminik ulorianartorsiorpoq.
Angutip 28-nik ukiullip persuttaasimanini politiinut nassuerutigereerpaa. Saassussinermut suna peqqutaanersoq politiinit suli paasiniarneqarpoq.