Angut qarasaasiq atorlugu nuilarmiuliortartoq
Kalaallisuut nuilarmiuinik sanatinnani qarasaasiaq atorlugu ilusissaa sanaqqaarlugu aatsaat sapaangaaqqat ikkussorlugit aallartittarpai.
Hans Heilmann 2002-mi nuilarmiuliortalersimavoq, pissutigalugu suleqataata pania apersortittussanngormat nuilarmiunik sanasussaarummat eqqarsarsimagami nammineq ilusilersoriarlugu apersortittussaq nuilarmiunik sanaanniarlugu.
Hans Heilmann sunngiffimmini ullumikkut nuilarmiuliortarpoq, qanga ileqquusimasoq atornagu mutinillu nuilarmiuliortarluni.
Aperisoqarsinnaavorli ileqqoq qangaaniilli atorneqarsimasoq atunngimmagu inunnit qanormita qisuariartoqarsimanersoq.
Hans Heilmann oqarpoq inunnit ataasiakkaaniit oqarfigitittarsimalluni periutsini allanngortittariaqaraa, kalaallit qangaaniilli ileqquat atorlugu sanasassasoq oqarfigitittarsimalluni.
Kisianniliuna Hans Heilmann, nammineq ileqqoq ajornannginneq atussallugu aalajangersimasoq.
Taamaammat! Kalaallit inuusuttut aammattaaq nutaaliortalerput, qarasaasiaq atorlugu. Nunarsuarmi allami kisimi nutaaliortoqanngilaq, nunatsinnittaaq inuusuttut nutaaliortalerput.
