Angut Qaanaami tigummigallarneqarpoq
Angut arnamut persuttaasimasutut Qaanaami politiinut arfininngornerup ullaassaani nalunaarutigineqarpoq. Pisullu paasiniarneqarnissaa pillugu angut maanna ulluni 14-ini tigummigallagassanngortitaavoq.
Allattoq Najaaraq Egede
Qaanaami angut arnamik arfininngornerup juulip 24-iata ullaassaani persuttaasimasutut tigusaavoq. Sapaatiummat eqqartuussisunut sassartinneqarami, unnerluussassanngortitaavoq. Angut sapaatip-akunnerini marlunni tigummigallarneqassaaq, imaluunniit sivikinnerusumik, tassami pisimasup paasiniarneqarnera apeqqutaassaaq. Qanorpiaq pisoqarsimanersoq nakorsat misissuereerpata paasinarsissaaq.
- Taamaammat pisoq pillugu annerusumik oqaaseqarsinnaanatik Politimestereqarfimmi politifuldmægtigiusoq Michael Bo Hansen taama ilisimatitsivoq.