Nunanit allanit

Angut norgemioq kilitsissiatut eqqartuunneqarsimasoq aniguisussanngortoq

Angut norgimioq kilitsissiatut eqqartuunneqarsimasoq Ruslandimut angerlarsinnaanngorpoq.
Sergej Lovrov nogep illoqarfiani Krikenesimi oqaaseqaproq. Uanilu Sorsunnersuup Aappaani nunap immikkoortuata Finnmarkip iperagaanerata nalliuttorsiutigineqarnerani peqataalluni. Assi © : Scanpix
Allattoq Ritzau
oktobarip 25-at 2019 09:13
Nutserisoq Bikki P. Kleist

Norgemioq Ruslandip Norgelli killeqarfiani nakkutilliisuusimasoq, Moskvamilu ukiormanna ukiuni 14-ini parnaarussassanngortinneqartoq angerlartussanngorpoq.

Ruslandip nunanut allanut ministeria, Sergej Lavrov oqarpoq, angut norgemioq kilitsissiatut Ruslandimi parnaarussaaqqasoq sukkulluunnit angerlarsinnaannngortoq.

Parnaarussaasumut suliaq ataatsimiititaliarsuarmit sammaanneqartussanngorlugu suliarineqareersorlu taama aalajangiisoqarpoq.

Ataatsimiititaliarsuup innersuussutigaa, killeqarfimmi nakkutilliisuusimasoq, Frode Berg, ukiuni 14-ini parnaarussassanngortinneqartoq præsidentimit Putinimit saammaanneqartoq.

AAMMA ATUARUK Norgemiu Ruslandimi kilitsissiatut pasineqarluni parnaarussassanngortinneqartoq

Kilitsissiaasimasumut suliaq Norgemut Ruslandimillu qanoq sunniuteqarsimanersoq pillugu nunanut allanut ministeri aperineqarami oqarpoq, sunniuteqarsimanngitsoq.

64-nik ukiulik Berg, killeqarfimmi sulisuusimasoq soraarninngoreersoq 2017-imi decemberimi tigusaavoq.

Russillu aqqartartuinik isertortumik paasissutissanik katersuisarsimasutut apriilimi ukiuni 14-ini parnaarussassanngortinneqarluni.

Bergili Norgemut iluaqutissiiniarluni kilitsissiaasimannginnerarpoq pinngitsuunerarlunilu.

Aamma atuaruk