Norgemiu Ruslandimi kilitsissiatut pasineqarluni parnaarussassanngortinneqartoq
Norgep Ruslandimut killeqarfianik nakkutilliisutut sulisimasoq, Norgemiu Frode Berg, kilitsissiatut sulisimasutut pasineqarluni Moskvami eqqartuussaammat ukiuni 14-ini parnaarussassanngortinneqarpoq.
![](/sites/default/files/styles/image_934x467/public/moskva_jaime_silva_flickr.jpg?itok=iJb3PiiQ)
Berg, Ruslandimi oqartussanit 2017-imi decembarimili tigummigallagaavoq, Ruslandimi isumannaallisaanermut qullersaqarfimmit FSB-mit tigummigallagaalluni.
Allattoq Ritzau
Nutserisoq Mads Lynge
63-inik ukiulik Frode Berg, parnaarussivimmi immikkut isumannaallisakkami parnaarussaasussatut pineqaatissinneqarpoq, tigummigallagaaneralu pineqaatissiissummit ilanngaataajumaartoq nalunaarutigineqarpoq.
Berg, Ruslandimi oqartussanit 2017-imi decembarimili tigummigallagaavoq, Ruslandimi isumannaallisaanermut qullersaqarfimmit FSB-mit tigummigallagaalluni.
Berg Moskvami tikeraartilluni tigusarineqarpoq, kilitsissiatullu sulisimasutut tassani pasineqarluni.
Bergip pineqaatissinneqarnini akueraa, Ruslandilli præsidentianit Vladimir Putinimit saammaanneqarnissani aamma qinnutigisinnaallugu.