Angut mianersuaalliorluni toqutsisimasutut unnerluutigineqartoq
Nuup ilaani Nuussuarmi biilimik sisamanngornermi ullaassakkut ajutoortoqarneratigut Nuummi Politiit angut biilimik ajutoorutaasumi ilaasoq ujaaraat.
Taanna angut nammineerluni Nuummi politeeqarfimmut ippassaq saaffiginnippoq.
Angut pineqartoq Eqqartuussisoqarfik Sermersuumi ullumi sassartinneqarlunilu killisiorneqarpoq, tigummigallagassanngortinneqarnissaalu piumasarineqarluni.
Angut pineqartoq mianersuaalliorluni toqutsisimasutut, imigassartorluni biilimik ingerlatsisimasutut, biilernermut allagartaqarani biiilersimasutut, biilimillu ajutoornerup kingorna qimaasimasutut pasineqarpoq.
AAMMA ATUARUK Nuummi biilinik ajutoortoqarnerani arnaq ajunaartoq
Pasineqartoq ulluni 25-ni tigummigallarneqartussanngortinneqarpoq.
Politiit pisoq suli paasiniaavigaat.
Arnaq 16-nik ukiulik biilimik ajutoortoqarmat ajunaarpoq.
