Angut meeqqanik atornerluisimasutut tigummigallarneqarpoq
marsip 16-at 2006 10:33
Qeqertarsuarmi politiit angut nukappiaqqanik kinguaassiutitigut atornerluisarsimasutut pasillugu marsip ulluisa arfineq-pingajuannili tigummigallalerrpaat.
Angut 40-t missaanni ukioqartoq Qeqertarsuarmi sisoraatinik sangusaarnermi nukappiaqqanik sungiusaasuusoq atorfimminik atornerluisimasutut pasineqarpoq.
Politiiniillu ulluni 14-ini nakkutigineqarallassaaq, marsillu 22-iata tungaanut tigummigallagassanngortinneqarluni.
Suliap suli misissuivigineqarnera tunngavigalugu politiit tamanna pillugu paasissutissiinissaminnut tunuarsimaarallarput, taamatuttaaq suliap pineqartup inummut mianernartuunera tunngaviginerullugu, taama politimesteri Steen Thomsen oqarpoq.
