Angut kalaaleq Odensemi toqutsisimasutut tigusarineqarpoq

Kalaaleq angut 41-nik ukiulik, Odensemi politiinit killisiorneqareernermi kingorna sapaatip-akunnerini sisamani tigummigallagassanngortinneqarpoq. Angut arnamik kalaallimik 35-nik ukiulimmik toqutsisimasutut pasineqarpoq.
Allattoq Mads Lynge
aggustip 22-at 2011 17:01

Arnaq taanna Odensep avannaatungaani Valkendrupsgydenimi illuni uiguleriiani inissiat ilaanni allarummik qiminneqarluni ullaaq toqutaavoq. Aappariit ernerat arfineq-marlunnik ukiulik toqutsinerup nalaani sinissimavoq.

- Aappariit assortuussimapput. Angutillu nassuiaanera naapertorlugu arnaq savilersorsimavoq, kapineqarnissanilu pinngitsoortinniarlugu arnaq qungasiatigut tigusimavaa, Odensemi vicepolitimesteri oqarpoq, nangillunilu:

- Arnarlu aalariaqqimmat allarut sukassimavaa. Taamaalereersorlu paasilerpaa ajortoqartoq, 112-ilu sianerfigalugu. Politiit ambulancillu ornigupput, vicepolitimesteri Jack Liedecke oqarpoq.

Ernerat arfineq-marlunnik ukiulik inunnik isumaginnittoqarfinnut inissinneqarsimasoq, politiit nalunaarutigaat. Aappariit najugarisaanni angerlarsimaffimmi siornatigut eqqissiviilliortoqarsimanngitsoq aamma oqaatigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq