København Angut kalaaleq Danmarkimi sivisussusiligaanngitsumik paarisassanngortinniarneqartoq

Taanna persuttarneqarsimalluni pinngitaallillugulu atornerlunneqarsimalluni nalunaaquttap akunerini qulingiluani nalasimavoq.

Unnerluusisussaatitaasoqarfik naapertorlugu unnerluutigineqartoq, angut kalaaleq 30-nik ukiulik, ima ulorianartigaaq, pinerlussimanini pillugu aalajangersimasumik sivisussusiligaanngitsumik paarisassanngortinneqartariaqarluni.

Arnaq arpanniarluni ullaaralaakkut anisimasoq, angutip ilisarisimagunanngisaata Østerbromi orpigaalunni persuttarsimavaa pinngitsaalillugulu atoqatigalugu. 

Pinngitsaalillugu atoqatiginerani tilluarlugu, isimmittarlugu allunaasamillu qimiutserlugu toqoriarsimarpasippaa.

Taamaalereerami orpigaalunniilluni aanaarluni ilisimajunnaaqqasoq qimappaa.

Arnap aava unnerluutigineqartup atisaaniittoq, angutip tigummigallagaanerani paasineqarpoq. Angut taamani ullaakkut angalaartoq videomik nakkutilliissutitigut aamma takuneqarsinnaasoq oqaatigineqarportaaq.

Unnerluutigineqartoq nunatsinni najugaqaraluarpoq, Danmarkimiikkallarlunili.

Unnerluutigineqartoq pinngitsuunerarpoq. Taaasumalli nassuiaatai suli ilisimaneqanngillat. 

Suliaq Københavnip eqqartuussiviani pingasunngorpat aallartissaaq. 

/ritzau/