Angut ipisimasoq nassaaraat
Poorsimaami talittarfiup eqqaani angummik ipisimasumik immami nassaartoqarsimasoq, sulisartunit ullup qeqqata missaani Nuummi politiit nalunaarfigineqarput. Angutip ipisimasup timaa politiit imaanit qaqippaat nakorsanillu misissoqqissaarneqartussanngorlugu napparsimmaviliaallugu.
Politiit angutip ipisimasup kinaanera suli oqaatigisinnaanngilaat, soorluttaaq qanoq utoqqaatiginersoq sumillu toqquteqarsimanersoq oqaatigisinnaanngikkallaraat.
- Qanoq pisoqarsimanersoq nalugatsigu annerusumik oqaaseqarsinnaanngilanga. Taamaattorli pinerluuteqartoqarsimaneranik takussutissaqanngitsoq oqaatigisinnaavarput, Nuummi politeeqarfimmi saaffiginnittarfimmiittoq oqarpoq.