Politiit ullormut nalunaarutaat: Angut ipilluni ajunaarpoq
Angut 46-nik ukiulik nunaqarfiup Ikerasaap eqqaani toqungasoq marlunngornermi siumorneqarpoq. Alianaqisumik ipilluni ajunaarsimasoq, Kalaallit Nunaanni Politiit pingasunngornermi ullaakkut ilisimatitsipput.
Angut 46-nik ukiulik marlunngornermi ipilluni ajunaarsimasoq, Kalaallit Nunaanni Politiit ilisimatitsipput.
Allattoq Nicole Sander Bertelsen
februaarip 05-at 2025 08:55
Nutserisoq Karla Heilmann
Kalaallit Nunaanni Politiit peqqinnissaqarfimmiit marlunngornermi unnukkut arfineq-marlunngorluinnalertoq sianerfigineqarput.
Inummik toqungasumik nunaqarfimmi Ikerasammi najugaqartunit siumuisoqarsimasoq kalerriutigineqarpoq.
- Ipilluni alianaqisumik ajunaartoq angutaavoq aalisartoq piniartorlu 46-nik ukiulik, politiit pigaartuisa pisortaat Poul Kreutzmann oqarpoq.
Angut pineqartoq aalisarfigisami eqqaani sikup sinaavani nassaarineqarpoq. Ipisup ilaqutai kalerrinneqareertut, politiit pigaartuisa pisortaat oqarpoq.
