Angut inuusuttoq Sisimiuni tigummigallagassanngortinneqarpoq
juulip 31-at 2006 10:42
Angut inuusuttoq 18-it missaannik ukiulik Sisimiuni politiit sapaatip akunnerata naanerani ulluni 14-ni tigummigallagassanngortippaat, inuusuttoq taanna aqqanileriarluni tillinniarsimavoq marlussoriarlunilu persuttaasimalluni.
Angut tillinniarnermut atatillugu tigusarineqarpoq, unnerluussutaasullu eqqartuussivimmi nassuerutigereerai, Sisimiuni politiit ilisimatitsipput. Tillinniarnerit persuttaanerillu qaammatip ataatsip ingerlanerani tamarmik pisimapput.
