Angut inuusuttoq Saqqami ujaarineqartoq: Aallarami takuneqanngitsoq

Politiit Issittumi Sakkutooqarfiullu angut inuusuttoq nunaqarfimmit marlunngornermi unnukkut aallarsimasinnaasoq pingasunngormalli ujaarilerpaat. Politiit innuttaasunit ikioqqupput.
- Politiit Finn Looqi Lange kingullermi Saqqap talittarfiani marlunngornermi unnukkut qulit missaani takuneqartoq suli ujaaraat. Politiit innuttaasunit ikioqqupput, suliamullu atatillugu ilisimannissinnaasunit attavigineqarusullutik. Assi © : KNR // Kathrine Kruse
oktobarip 15-at 2020 15:30
Nutserisoq Connie Fontain

- Politiit Finn Looqi Lange kingullermi Saqqap talittarfiani marlunngornermi unnukkut qulit missaani takuneqartoq suli ujaaraat. Politiit innuttaasunit ikioqqupput, suliamullu atatillugu ilisimannissinnaasunit attavigineqarusullutik.

Assi © : Grønlands Politi / Finn Looqi Lange

Assi: Finn Looqi Lange / Grønlands Politi.

Kalaallit Nunaanni Politiit tusagassiuutinut nalunaarummi allapput.

Finn Looqi Langep nunaqarfimmit Saqqamit Poca atorlugu aallarsimassasoraat. Kingullermimmi talittarfimmi marlunngornermi unnukkut takuneqarpoq.

Ujaasinermi Issittumi Sakkutooqafiup alapernaarsuutaa, Knud Rasmussen aamma imaani ujaasivoq.

- Finn Looqi Langep umiatsiaaraq Poca 550-eq  100 HK Selvamik motoorilik atorlugu aallarsimagunarpoq. Umiatsiaaqqami pullassinnaasunik tallimanik annanniuteqarpoq.

- Umiatsiaaqqami aamma tallimanik qernertunik baaliaqarpoq, qassiinik kisaqarpoq kiisalu sungaartunik aappaluaartunik puttaquteqarluni. Umiatsiaaqqap VHF-ia ajunngilaq, politiit allapput.

Kalaallit Nunaanni Politiit suliamut atatillugu oqarasuaammut 70 14 48-mut attavigineqarsinnaapput.