Hans Egedep eqqaassutissaa Nuummi Nuutoqqamiittoq sapaatiummat unnuaa aappaluttumik kuineqarpoq. Toqqorsivimmit assi.Assi: KNR

Angut eqqaassutissamut serlersaarinermut atatillugu pasineqartoq

Angut 30-t sinnerlugit ukiulik Hans Egedep eqqaassutissaanut sapaatiummat unnuaa serlersaarisoqarneranut atatillugu pasineqarpoq.

Hans Egedep eqqaassutissaa Nuummi Nuutoqqamiittoq sapaatiummat unnuaa aappaluttumik kuineqarpoq.

Angut 30-t sinnerlugit ukiulik suliamut tassunga atatillugu pasineqartoq, Kalaallit Nunaanni Politiit tusagassiisartuat, Camilla Palmann paasissutissiivoq.

Angut Pinerluttulerinermi inatsimmi paragraf 46 naapertorlugu pasineqarpoq, imalu nipeqarpoq:

"Uppernarsaatissanik atuinngitsoortitsiniartutut eqqartuunneqassaaq uppernarsaatissanik pissutsini inatsisinik atuiffiusuni taamatut atorneqarnissaminnut piukkunnartunik aserorterisoq, allanngortitsisoq imaluunniit ilaatigut tamakkerluguluunniit atorsinnaajunnaarsitsisoq."

AAMMA ATUARUK Hans Egedep eqqaassutissaa serlersaarfigineqarsimasoq

Politiilli qanoq pineqaatissiisoqassanersoq suli aalajanngiiffigisinnaanngilaat. Camilla Palmannip oqarnera naapertorlugu eqqaassutissami qanoq innarliisoqartigisimanera suli oqartussanit ilisimaneqannginnera tamatumani pissutaavoq.

Suliaq suli misissuiffigineqarpoq.

Hans Egedemut eqqaassutissaq aatsaat siullermeertumik serlersaariffigineqanngilaq.

Eqqaassutissaq siullermik 1973-imi aappaluttumik kuineqarpoq, ukiullu ingerlanerani assingusumik aamma serlersaarisoqartarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat