Hans Egedep eqqaassutissaa serlersaarfigineqarsimasoq

Nuummi Nuutoqqami Hans Egedemut eqqaassutissaq serlersaarfigineqarsimasoq ullaaq manna paasineqarpoq.
Assi © : KNR
Allattoq Karsten Sommer
juunip 21-at 2020 13:23
Nutserisoq Mads Lynge

Eqqaassutissaq unnuap ingerlanerani aappalaartumik qalipanneqarsimavoq.

Politiit suliaq sakkortuumik serlersaarinertut nalilerpaat, takunnissimasinnaasunillu ujarlerlutik. Politiit pigaartuisa ilaat Brian Thomsen KNR-imut taama oqarpoq.

Politiit suliamut atatillugu suli pasisaqanngillat.

USA-mi taartumik amilik Minneapolisimi sapaatip-akunneri pingasut matuma siornatigut toqutaammalli nunani assigiinngitsuni eqqaassutissarpassuit serlersaarfigineqanngikkunik peerneqartut Hans Egedep eqqaassutissaa serlersaarfigineqarpoq.

Hans Egedemulli eqqaassutissaq tassunga atatillugu serlersaarfigineqarsimanersoq ilisimaneqanngilaq.

Nuummi eqqaassutissaq qalipaammik aappaluttumik 1973-imi siullerpaamik qalipanneqarpoq, ukiunilu tulliuttuni qasseerpassuariarluni serlersaarfigineqarsimalluni.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk