Angut arnaamminik tilluaasoq tigummigallarneqarpoq
Nuummi Politiit arfininngormat ullaakkuut qulingiluanut arnap 19-inik ukiullip nalunaarfigai, taanna inooqatiminit annersarneqarsimanerarpoq.
Arnaq pingaartumik kiinnamigut kimillanneqaqaaq pullattooqqaqalunilu, taamaammallu ambulancenit napparsimmaviliaanneqarpoq.
Politiinut oqaluttuarami angutaatimi tilluarsimagaani oqaluttuaraa.
Angut 33-nik ukiulik arfininngornerp ingerlanerani tigusaavoq Nuullu Eqqartuussivianut sassartinneqarami pineqaatissinneqarserluni juunip qulingata tungaanut tigummigallagassanngortinneqarpoq.
Angutip eqqartuussiviup aalajangernera akueraa, maannalu Pineqaatissinneqarsimasunut Inissiisarfimmiitinneqartoq, Niels Nyvang Nuummi Politiinit KNR-imut ilisimatitsivoq.