Angut Aasianni pinngitsaaliisimasutut tigummigallarneqarpoq
Aasianni arnamut 41-nik ukiulimmut pinngitsaalillugu arneriffigineqarlunilu persuttarneqarsimasumut atatillugu politiit angut 53-inik ukiulik tigusaraat. Angutip 53-inik ukiullip angerlarsimaffiani arfininngornermi unnukkut fiistertoqarnerani pinngitsaaliineq pivoq.
Allattoq Najaaraq Egede
Angut sapaammi eqqartuussisunut sassartinneqarpoq, tassanilu politiit angutip ulluni 24-ni tigummigallarneqarnissaa piumasaraat.
Angut 53-inik ukiulik pinngitsuunerarpoq, eqqartuussiviilli ulluni 24-ni tigummillagaanissaminik aalajangernera akueralugu.
Angut pinngitsaaliilluni arnerisimasutut persuttaasimasutullu unnerluutigineqassanersoq paasiniarlugu, politiit pisimasoq maanna misissuiffigaat.
Aasianni politiit sapaatip-akunnerata naanerani allarpassuarnik aamma ulapputeqarsimapput.