Angut aallaasersortoq tigusarineqarpoq
Angut 50-it missaannik ukiulik toqutseriarsimasutut pasineqarluni Sisimiuni politiinit tigummigallagassanngortinneqarpoq. Angut arfininngornerup ullaassaani illup tungaanut timmiarsiummik arlaleriarluni eqqarpoq, illumilu isersimasoq eqqorneqarsimanngitsoq, politiinit oqaatigineqarpoq.
Allattoq Jaaku Lyberth
Angut toqutsinissaminik siunertaqartumik aallaasersorsimasutut pasisaalluni tigusarineqarpoq, februaarillu ulluisa 15-ata tungaanut tigummineqarallassalluni.
Aallaasersorneq pillugu nunatsinni politiit pisortaata tullia Morten Nielsen annertunerusumik oqaaseqarumanngilaq.