Angut aallaasersorsimasoq unnuaq tigusarineqartoq
Pingasunngornerup unnuaani illoqarfiit pingaanersaanni aallaasersortoqarpoq. Angut 44-nik ukiulik tigusarineqarpoq.
Angut 44-nik ukiulik illoqarfiit pingaarnersaanni politiiniit unnuaq tigusarineqarpoq.
Allattoq Nicole Sander Bertelsen
oktobarip 08-at 2025 07:45
Nutserisoq Medea Olsen
Angutip 44-nik ukiullip aallaasersornera pissutigalugu, angut 49-nik ukiulik pingasunngornerup unnuaani ajoquserpoq.
Kalaallit Nunaanni Politiit pingasunngornermi ullaakkut tusagassiuutinut taama nalunaaruteqarput.
Aallaasersortoqarnera politiinut nalunaaqutaq 02.19 nalunaarutigineqarpoq, kingornalu angut 44-nik ukiulik tigusarineqarpoq. Angut eqqartuussivimmut ullumi pingasunngornermi kingusinnerusukkut sassartinneqassaaq.
Angut toqutseriarsimasutut unnerluutigineqartoq, politiit tusagassiuutinut nalunaarummi allapput.
Politiit suliaq misissoramikku annerusumik oqaaseqarsinnaanatik nalunaarumminni naggasiillutik allapput.
