Assi: KNR

Angut aallaaseqartoq Nuummi Qinngorput tungaanut aqquserngup matuneranut pissutaasoq

Nuummi politiit Nuup ilaani Nuussuarmi naluttarfiup Maliup eqqaanit Qinngorput tungaanut aqqusineq suliaqarnertik pissutigalugu ullumi ullup ingerlanerani matugaluarpaat.

Politiilli pisoq isumannarunnaartoq ullumi ullup qeqqata qaangilaaraa nalunaarutigaat, aqqusinerlu Qinngorput tungaanoortoq ammaqqinneqarluni.

Politiit inummik nakkutigisaqalerlutik Facebookimi quppernerminni ilisimatitsissutigaat.

Angut pisoqarnerani qoorortuumik aallaaseqarpoq, inunnulli allanut navianartorsiortitsigani.

Angut politiit suliaqarnerannut atatillugu nammineerluni politiinut attaveqarpoq nammineerlunilu politiinut nakkutigineqarsinnaalersilluni.

Politiit suliaq politiinut suliassaannginnerulluni isumaginninnermi suliassaanerusutut maanna nalilerpaat.

Politiit pisumut annertunerusumik maanna paasissutissiisinnaanngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat