Angut 55-inik ukiulik Ilulissani ujaarineqarpoq

Ilulissani politiit ujaasipput.

Ujaarineqartoq tassaavoq 55-inik Aqqaluk Løvstrøm, Uummannamit marlunngormat Ilulissiartoq, akunnittarfiit ilaanni isumasioqatigiittoqarnissaanut peqataajartortoq.

Aqqaluk Løvstrøm akunnittarfimmut nalunaarpoq, kingornali tusarfigineqaranilu takuneqarsimanani.

Naak sukumiisumik ujarlertoqaraluartoq Aqqaluk Løvstrøm suli nassaarineqanngilaq. Aqqaluk Løvstrøm Ilulissani unnukkut nalunaaquttap arfernup missaani kingullermik takuneqarpoq.

Kalaallisut isikkoqarpoq, 170 centimeterit missaanni angissuseqarpoq, tuattuunanilu suangasuunngilaq, naatsunillu kajortunik nujaqarpoq, qaamigut nujaarukkiartulerluni.

Atisat sorliit atornerai ilisimaneqanngilaq.

Aqqaluk Løvstrømip sumiissinnaaneranik ilisimannissinnaasut Ilulissani politiinut saaffiginneqquneqarput. Ilulissani politiit oqarasuaataasa normoraat 70 14 22.