Angut 53-inik ukiulik ipilluni ajunaarpoq

Angut kammalaatini ilagalugu umiatsiaminik angalaarsimavoq. Umiatsiap aquutaa aseroqqammat angutit taakku marluk qisuminermik amitsumik umiatsiap motoorianut ikkussisimapput, taamaalillutik umiatsiaq aqussinnaaniassagamikku.

Qisulli napimmat umiatsiaq sangorujussuarpoq, taamaalimmallu angutit marluk taakku imaanut nakkarput. Umiatsiaq nunamut qanittunnguusimagaluarpoq, 53-inilli ukiulik nalussinnaasimanngilaq.

53-inik ukiulik kammalaataata ikiorniarsarigaluaramiuk annaateriarsinnaasimanngilaa, imaalu nilleqimmat allatut ajornartumik ikiuiniarsarinini taamaatiinnarpaa.

53-inik ukiullip kammalaataa nalulluni nunaliarpoq Attumullu pisulluni uterpoq ikiortissarsiorluni, angallammillu ajunaarfimmukarput 53-inillu ukiulik ipisimasoq nassaaralugu.

Taama pisoqarnerata nalorninarsinnaasumik iluarsaassiniartarnerit sapinngisamik politiit aammaarlutik mianersuutigeqquaat, soorlu umiatsiap aquutaajarsimanerata kinguneranik qisuk amitsoq aquutitut uani atorneqarsimammat.

- Angallateqaraanni paarilluartariaqarpoq, Aasianni politeeqarfimmi pisortaq, Gert Jakobsen, oqarpoq.

Ajunaartup ilaqutai tamarmik tusarlerneqareersut politiit ilisimatitsissutigaat.