Angut 53-inik ukiulik ajunaartoq
Angut danskiusoq 53-inik ukiulik, Kalaallit Nunaanni najugalik, imaanut ippassaani nakkarluni ajunaarpoq. Tamanna Qasigiannguit eqqaanni pivoq.
Allattoq Louise M. Kleemann
Qulimiguullip nassiussanik assartuisup umiatsiaaraq inuttaqarani kaaverusaartoq sapaatiummat ualikkut takuaa. Qanillillugu takuneqarpoq angut umiatsiaaqqap eqqaani imaaniittoq.
Pisoq Qasigiannguani politiinut qulimiguullip nalunaarutigereeramiuk angutit allat umiatsiaarallit takusaminnik ilisimatippaat aallarlutillu, angullu danskiusoq sanasoq 53-inik ukiulik qaqippaat.
Angut tikiunneqarnermini toqoreersimavoq.
Angut umiatsiaaqqami kisimiissimavoq, qangalu aallarsimanersoq ilisimaneqarnani. Sermitsiap nittartagaani taama allaaserinnittoqarpoq.