Angut 48-nik ukiulik aasaq arnamik toqutsisoq pineqaatissinneqarpoq

Angut 48-nik ukiulik siorna aasakkut arnamik qimillugu toqutsisoq, ukiuni tallimani pineqaatissinneqarsimasunut inissiisarfimmiittussanngorlugu Nunatta Eqqartuussiviani ullumi eqqartuunneqarpoq. Toqutsinermut suna pissutaapiarnersoq qulaajarneqanngilaq. Eqqoriarneqarporli, toqutsisup inooqatigisimasaa toqoreernikuusoq nikanarsarlugu arnap oqaaseqarsimanera pissutigalugu arnaq toqunneqarsimassasoq.

Angutip toqutsisup arnamik allamik ilisarisimasaminik qunusaarisimanera pineqatissiinermi ilanngunneqarpoq.

Angut toqutsisimasoq, arnap ilisarisimasami inigisaani allunaasamik tigumiarluni angalaarsimavoq, qiminniarlugulu oqalussimalluni, taamaalineranilu arnaq annilaangasimavoq savimmillu tigumiartariaqarsimavoq angutip saasssuteqinnamani. Qunusaarisimaninilu pillugu pineqaatissinneqarpoq.

Toqutsisup toqutsinerup pisunik ataasiakkaanik oqaluttuarinera aallavigalugu pineqaatissiineqarpoq.