Angut 42-nik ukiulik savimmik toqutsisutut unnerluutigineqartoq
Angut 42-nik ukiulik Nuummi sapaatiummat savimmik toqutsisoqarneranut atatillugu inatsit tunngaviusoq naapertorlugu killisiorneqareerluni sivimmik toqutsisutut unnerluutigineqarpoq.
Kalaallit Nunaanni Politiit tusagassiuutinut taama paasissutissiipput.
Angut arnamik 40-nik ukiulimmik, politiit taassuma angerlarsimaffiani toqungasoq nassaarisisaannik toqutsisutut unnerluutigineqarpoq. Angut tamatuma saniatigut niviarsiaqqamik 15-inik ukiulimmik savimmik kapisisimanini pissutigalugu toqutseriartutut aamma unnerluutigineqarpoq.
Niviarsiaraq ikilingaatsiarsimavoq, ajunngilarli, taanna Dronning Ingriup Napparsimmavissuani maanna uninngavoq. Arnaq toqutaasoq niviarsiaqqap 15-inik ukiullip anaanaraa.
AAMMA ATUARUK Nuummi arnaq 40-nik ukiulik toqutaasoq panialu ikilerneqangaatsiartoq
Inatsit tunngaviusoq naapertorlugu killisiuineq matut matoqqatillugit ingerlanneqarpoq, taamaammat politiit suliamut atatillugu annerusumik paasissutissiisinnaanngillat. Angut 42-nik ukiulik ulluni 25-ni tigummigallagassanngortinneqarallarpoq, politiillu misisisuinertik ingerlatiinnarpaat.
