Angerlarsimaffeqanngitsuusimasoq kiliortortakkamik pisigami 3,6 millionit koruuninik eqquisoq
Kalaaleq Danmarkimi najugalik, siornatigullu angerlarsimaffeqarsimanngitsoq, kiliortortakkanik Korsørimi pisigami katillugit 3,6 millionit koruuninik eqquisimavoq.
Det er et skrabespil a la dette, som har udløst den glade vinder.
Allattoq Camilla Dam
novembarip 04-at 2014 11:58
Nutserisoq Mads Lynge
Kiliortortagaq Korsørimi pisiniarfiit ilaanni Føteximi pisiarisimagaa, Sjællandske Medierip allaaseraa.
Angut 37-nik ukioqarpoq, atiminillu tunniusserusunnani. Qaammatini arfinilinni angerlarsimaffeqarsimanngilaq, inissiamili maanna najugaqarpoq, aningaasaateqarluarluni, pilersaarusiorsimallunilu.
- Kalaallit Nunaannukarnissara pingaarnertut pilersaarutigaara, Juulliliarlungalu ukiortaarsioriartornissara aamma pilersaarutigalugu, 37-nik ukiulik oqarpoq, nangillunilu:
- Eqqumeeqaaq, uppernanngingajallunilu. Aningaaserivimmeereerpungali, akuersereerpullu. Eqqumeeqaaq, nuannerlunili, angut kalaaleq Sjællandske Medierimut ilaatigut oqarpoq.
