Angerlarsimaffeqanngitsunut isersimaartarfik ulloq unnuarlu ammasalerpoq

Angerlarsimaffeqanngitsunut ulluunerani isersimaartarfeqartitsineq Nuummi ima iluatsitsigaaq, allaat Kommuneqarfik Sermersuumiit ulloq unnuarlu ammatitsisalernissaq eqqarsaatigineqalerluni.
Allattoq Elisa Isaksen
decembarip 11-at 2009 05:10

Taamaattumik kommunalbestyrelsip tungiuinermut ataatsimiititaliaq qinnuigaa, angerlarsimaffeqanngitsut ornittagaata ulloq unnuarlu ammatinneqartalissappat, tamatuma aningaasatigut allatigullu qanoq kinguneqarnissaa misissoqqullugu. Kommunip nittartagaani taama allaaserinnittoqarpoq.

Angerlarsimaffeqanngitsut ornittagaat novembarip aallaqqaataaniit misiligutigalugu ullut tamaasa ullaap tungaani quliniit ualikkut pingasut tungaanut ammasarpoq, tamatuma saniatigut aamma unnukkut qulingiluaniit ullaakkut arfineq pingasut tungaanut ammasarluni.

- Tamanna iluatsilluarpoq, tassami angerlarsimaffeqanngitsut allat ullukkut aamma takkuttalerput. Taakku tassaapput angerlarsimaffeqanngitsut, ilaquttaminni aamma ikinngutiminni sofamik atorlutik sinittartut, unnuiffitik suliartoraangata anisariaqartartut, suliamik ataqatigiissaarisoq Pia Johnsen oqarpoq.

Angerlarsimaffeqanngitsut ornittagaat ukiormanna 2 millionit koruuninik aningaasaliiffigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq