Angerlaannarput
Ujaqqanit sisoortunit navianartorsiortitaareerlutik qaqqasiortartut taakkua marluk, qaqqarsuarmut qaqingajakkaluarlutillu angerlaannarniarlutik aalajangersimapput.
Qaqqasiortartut taakku marluk qaqqarsuarmut qaqiniarnerminni silagissiorpallaarsimanngillat, kisianni taamaatitsiinnarnerannut tamanna patsisaanngilaq. Patsisaasormi tassaavoq, qaqqarsuarmut qaqiniartut ima amerlatigimmata, allaat ujaqqanik sisoortoornerit ingasatsilluinnarsimallutik.
- Nickip ilisarisimasaa ujaqqanit sisoorfigitinnermigut niaqqumi saarnganik innarlerneqarluni aaneqartariaqalermat, angerlaannarniarlutik aalajangerput. Misigisassarpassuatik misigereeramikkik taamatut angerlaannarnissaminnik ilungersunartumik aalajangiinertik nuannaarutigigaat Nick Nielsenip arnaataa Hanne nittartakkaminni inuk.dk-mi allappoq.
