Angela Merkel Tysklandimi forbundskanslerinngoqqissaaq
Tysklandip forbundskansleriata Angela Merkelip talerperliit naalakkersuisoqatigiilernissaanut suliniutigilerpaa, neriuutigaalumi novembarip qulingiluaani Berlinip qarmarsuisa uppinnerinit ukiut 20-nngortorsiornissaa angutinnagu tamanna piumaartoq.
Allattoq Mads Lynge
Merkelip partiia CDU ippassaq qinersereernerup kingorna De Frie Demokrater - tassa FDP - naalakkersuisoqatigiilernissaanut piareersimanerarlutik oqaatigaat.
Tassami Merkelip naalakkersuisoqatigisimasai socialdemokratit ippassaq qinersinermi ajorsarujussuarnerata kingunerisaanik naalakkersuisoqatigeeqqissinnaajunnaarsimapput.
Merkelip partiini inuinnaat qiterliuniartut partiiatut nammineq isigigini ullumi oqaatigaa.