Angela Merkel 2021-mi qinigassanngorteqqinnianngilaq
Tysklandip forbundskansleriata Angela Merkelip partiia CDU, Tysklandimi nunap immikkoortuani Hessenimi inatsisartunut ippassaq qinersisoqarnerani ajorsangaatsiarpoq, Angela Merkelillu CDU-p siulittaasuatut tunuarniuteqarnissani mattutinngilaa.
Allattoq Ritzau
Nutserisoq Mads Lynge
Tysklandimilu inatsisartunut tulliani 2021-mi qinersisoqalerpat sassaqqinniannginnini ullumi aamma nalunaarutigaa.
Merkel, CDU-mi, konservatiiviusumi, 2000-imili siulittaasuuvoq, 2005-imiillu forbundskansleriulluni.
Nunap immikkoortuani Hessenimi ippassaq qinersisoqarmat, CDU kingullermik qinersisoqarneranut naleqqiullugu 11 procentpointinik kinguariarpoq.
Merkelillu tulliani qinersisoqarnissaanut sassaqqinniannginnera pissutaalluni Tysklandimi nutaamik forbundskanslereqalertussanngorpoq.