Angallat tissukartoq pillugu politiit saaffigeqqupput

Qaqortumi politiit paasissutissiisinnaasunik ujaasipput. Inummik taartumik angallataatilimmik, imaluunniit taartumik angallataatilimmik maqaasisalimmik Qaqortumi politiit ujaasipput.
Allattoq Najaaraq Egede
septembarip 28-at 2007 08:43

Qaqortumi ippassaq unnukkut politiit nalunaarutisipput, angallat taartoq illoqarfiup avataani, umiarsualiviup Akiatalu akornanni kaaviiaaginnalersimasoq. Kinguninngua politiit allamik aamma nalunaarutisipput, angallat inuttaqanngitsoq kangerlummi tissukarusaartoq takuneqarsimasoq.

Politiit angallammik attartoriarlutik Kangilinnguani Sakkutooqarfimmeersut peqatigalugit erngerlutik ujaasilerput. Immap itissusianik uuttortaasartut angallataat SKA16 sakkutuullu umiarsuaat alapernaarsuut qulimiguulillu Hvidbjørnen ujaasinermi peqataagaluarput, Aasiaallu radioagut PAN-PAN-imik kalerrisaarisoqaraluarluni. Ujaasinerlu unnukkut aqqanernut taarsinissaata tungaanut ingerlanneqaraluartoq, inunnik avammut nakkarsimasinnaasunik angallammilluunniit tissukartumik nassaartoqanngilaq.

Inummik imaanut nakkartoqarsimasinnaammat, Qaqortumi politiit Qaqortumilu eqqaanilu innuttaasut qinnuigaat maqaasisaqarunik politiinut nalunaaqqullugit. Qaqortumi politiit oqarasuaataata normoraa 64 22 22, mobiliatalu normoralugu 49 41 22.

Qaqortumi politiit, Kangilinnguani sakkutooqarfik peqatigalugu aqagu tungaanut ujaasinissartik pilersaarutigaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq